#Оилавий_муаммоларнинг_100_ечими

МУАММО: Эрнинг аёлидан қарз олиб, имкони бўлса ҳам, пулни қайтармасдан чўзиб юриши
 
ЕЧИМ: Эркак киши аёлидан олган қарзини имконият топиши билан қайтармаслиги мусулмончилик белгиларидан эмас. Чунки аёли ҳам ушбу пулни қариндошларидан қарз сифатида олган бўлиши, уни вақтида қайтармаса яқинларининг олдида ҳижолат чекиб қолиши мумкин. Имом Бухорий раҳматуллоҳи алайҳдан ривоят қилинади:  
فَعَنْ أَبِي هُرَيْرَةَ - رَضِيَ اللهُ عَنْهُ – قَالَ: قَالَ رَسُولُ اللهِ - صَلَّى اللهُ عَلَيْهِ وَسَلَّمَ -: (مَنْ أَخَذَ أَمْوَالَ النَّاسِ يُرِيدُ أَدَاءَهَا، أَدَّى اللهُ عَنْهُ، وَمَنْ أَخَذَ يُرِيدُ إِتْلَافَهَا، أَتْلَفَهُ اللهُ)؛ رَوَاهُ الْبُخَارِيُّ 
“Кимки қайтариш нияти билан инсонлардан қарз оладиган бўлса, Аллоҳ таоло уни адо қилиб қўяди. Кимки  инсонларнинг молига зарар етказиш мақсадида қарз оладиган бўлса, Аллоҳ таоло унинг ўзига талофат етказиб қўяди”. 
Ҳадисда келган ҳукмга кўра, эр олган қарзини вақтида қайтармаса, бу иш омонатга хиёнат ва зулм бўлиб, қиёмат кунида савобларининг мазлумларга тарқатиб берилишига сабаб бўлиб қолади. Имом Муслим раҳматуллоҳи алайҳ Абу Ҳурайра розияллоҳу анҳудан  ривоят қилган хадисда, Пайғамбаримиз соллаллоҳу алайҳи васаллам дедилар: 
عَنْ أَبِي هُرَيْرَةَ ، عَنِ النَّبِيِّ صَلَّى اللَّهُ عَلَيْهِ وَسَلَّمَ , أَنَّهُ قَالَ : " أَتَدْرُونَ مَنِ الْمُفْلِسُ مِنْ أُمَّتِي ؟ " قَالُوا : الْمُفْلِسُ فِينَا مَنْ لَا دِرْهَمَ لَهُ وَلَا دِينَارَ وَلَا مَتَاعَ ، فَقَالَ رَسُولُ اللَّهُ صَلَّى اللَّهُ عَلَيْهِ وَسَلَّمَ : " الْمُفْلِسُ مِنْ أُمَّتِي مَنْ يَأْتِي يَوْمَ الْقِيَامَةِ بِصَلَاتِهِ وَصِيَامِهِ ، وَيَأْتِي قَدْ شَتَمَ هَذَا ، وَقَذَفَ هَذَا ، وَأَكَلَ مَالَ هَذَا ، وَسَفَكَ دَمَ هَذَا ، وَضَرَبَ هَذَا ، فَيُقْتَصُّ لِهَذَا مِنْ حَسَنَاتِهِ ، وَلِهَذَا مِنْ حَسَنَاتِهِ ، فَإِذَا فَنِيَتْ حَسَنَاتُهُ قَبْلَ أَنْ يَقْضِيَ مَا عَلَيْهِ ، أُخِذَ مِنْ خَطَايَاهُمْ فَطُرِحَتْ عَلَيْهِ ثُمَّ طُرِحَ فِي النَّارِ " 
 “Муфлис ким эканини биласизларми? Саҳобалар “муфлис инсон бизнинг наздимизда ҳеч қандай нарсаси ва маблағи бўлмаган инсондур”, – дедилар. Шунда Пайғамбаримиз:  “Муфлис киши эрта қиёматда тоғдай савоблар билан келади-да, бандаларнинг ҳаққини адо қилмаганлиги учун бандалар унинг савобидан оладилар, сўнгра савоби қолмаса, ўзларининг гуноҳларини унга ташлаб кетадилар. Натижада ҳалиги инсон тоғдай гуноҳлар билан дўзахга улоқтирилади”. 
Шундай экан, эр ҳам етгазган зулмлари сабабли ҳаёти дунёда қилган савобли ишларидан маҳрум бўлиб қолиши мумкинлигини унутмаслиги лозим.

Ижтимоий тармоқларда бизни кузатинг:
Telegram (https://telegram.me/joinchat/AAAAAENMiqmcrc2oElx7EA) | Facebook (https://www.facebook.com/tuhfauz/) | Instagram (https://instagram.com/tuhfauz) | youtube

 (https://www.youtube.com/channel/UC3zXI-Q49ugyq5VPvWbht_A/featured)